Знаење за мрежниот маркетинг

Првиот впечаток е важен

Првиот впечаток се остава во првите седум секунди од средбата и после тоа е многу тешко да се промени. Затоа е важно да размислиме каква идеја добиваат луѓето за нас кога ќе се сретнеме. Градењето прв впечаток и одржувањето добри односи со нашите клиенти и соработници е составен дел од нашите секојдневни задачи како сопственици на Форевер Бизнис. Ако ви треба инспирација, погледнете ги луѓето од тимот над вас и размислете како тие ве привлекле, како ве натерале да посакате да се приклучите на Форевер. Која и да била причината, земете ја во вашиот паметен и успешен пристап и применете ја на вашиот бизнис.

Сакајте ја вашата работа

Ако сте страсни за производите што ги споделувате и за бизнис моделот со кој работите, ќе блескате секогаш кога ќе разговарате со нов потенцијален клиент. Но, мора да забележиме дека истото важи и во спротивниот случај – кога работата не ве инспирира особено. Ако сакате да се издигнете на ниво погоре или пак чувствувате разочарување, размислете што треба да направите за работите да тргнат во позитивна насока. Причината може да биде тоа што не посветувате доволно време на бизнисот или едноставно ви треба совет. Запомнете дека сте опкружени со луѓе кои се подготвени да ве поддржат и кои веројатно биле во иста ситуација како вас. Можеби само мала промена во начинот на работа може да го претвори вашиот бизнис во успех.

Познавајте го вашиот пазар

Според студијата на Datamonitor, компанија специјализирана за трендови на пазарот, клиентите обично остануваат лојални на одреден бренд и често споделуваат производи од кои се задоволни со пријателите. Личните препораки се поубедливи од рекламите на познати личности за 58% од испитаниците, а само 44% купиле производ исклучиво поради тврдењата што ги има. Бројките велат дека мрежниот маркетинг како бизнис модел има основа и потенцијал. Имајте го тоа на ум и размислете што им треба на вашите познаници. Подгответе препораки за секој од нив лично со производи кои ќе им понудат решенија за нивните секојдневни предизвици и потреби. Препораката на производи специјално избрани за личноста, во комбинација со фактот дека сте нивни пријател, ќе ви помогне да обезбедите редовни нарачки и задоволни клиенти кои ќе ја шират веста за вашиот бизнис. Клучот за правилно разбирање е умешноста да ги слушате другите и способноста да поставувате едноставни прашања кои го поттикнуваат нашиот соговорник да зборува за себе.

Научете да заработувате

При директната продажба, заедно со производите, клиентите делумно го купуваат и личниот допир и специјализираното знаење што им ги нудите. Затоа е важно да учествувате на сите обуки за производи и да бидете во тек. Добра идеја е да ги охрабрите вашите соработници да го сторат истото, па така вашите високи стандарди постепено ќе се спроведуваат низ целиот тим. Ако сметате дека има области каде што не сте доволно силни, имајте ги на ум кога носите нови членови во вашиот тим - барајте луѓе кои можат да ги пополнат тие празнини. И запомнете дека кога го презентирате мрежниот бизнис, не треба да го преплавите вашиот нов кандидат со огромни количини на податоци, поразумно е да му ги презентирате информациите во форма на неформален разговор. Користете презентации и материјали обезбедени од компанијата, секогаш фокусирајќи се на она што бизнисот може лично да им го даде на вашите клиенти.